Школьны музей Ігната Цярэнцьевіча Буйніцкага

Школьны музей Ігната Цярэнцьевіча Буйніцкага дзяржаўнай ўстановы адукацыі «Празароцкая дзіцячы сад – сярэдняя школа Глыбоцкага раёна» адкрыты 3 верасня 1982 года.

Профіль музея – літаратурна-краязнаўчы.

Усяго налічваецца 540 экспанатаў, 109 – асноўнага фонду.

Да 1986 года кіраўніком музея была Урублеўская Ала Леанідаўна,

з 1986 года - Гінько Вольга Дзмітрыеўна,

з 2012 года - Дударонак Марына Станіславаўна.

1 верасня 2013 года адкрыта новая экспазіцыя музея Ігната Буйніцкага, распрацаваная калектывам у складзе:

§ аўтар дызайн-канцэпцыі сябра Беларускага Саюзу дызайнераў Куржалаў І.В.,

§ дызайн-экспазіцыянер Фрэйдкін Д.Б.,

§ даследчыкі Гінько В.Д., Куржалаў А.В., пры ўдзеле навуковых супрацоўнікаў Дзяржаўнага музея гісторыі тэатральнай і музычнай культуры Рэспублікі Беларусь.

Экспазіцыя размешчана ў 2-х пакоях і фае паміж імі.

Фае - аб’ёмна-прасторавая кампазіцыя "Тэатральны партал.

1-ы пакой – "З гісторыі роду Ігната Буйніцкага. Жыццёвы шлях. Стварэнне Першай беларускай трупы”.

2- і пакой - "Рэпертуар трупы. Успаміны пра Ігната Буйніцкага”.

Актывісты музейнай справы вядуць вялікую пошукавую, культурна-асветніцкую і творчую работу:

§  напісаны цікавыя пошукавыя работы "Новыя старонкі жыцця і дзейнасці Ігната Буйніцкага”, "Вобраз Буйніцкага ў мастацкай літаратуры”; «Жыццёвы і творчы шлях удзельнікаў трупы Ігната Буйніцкага»,

§  сабраны фальклорныя творы з рэпертуару трупы,

§  збіраецца этнаграфічны матэрыял ваколіц Празарок часоў Буйніцкага,

§  створаны "Гістарычны каляндар вёскі Празарокі”,

§  напісаны "Летапіс вёскі Празарокі”.

Матэрыял з архіва школьнага музея І. Буйніцкага

ДУА «Празароцкая дзіцячы сад – сярэдняя школа

 Глыбоцкага раёна»