Музей гісторыі Залескай школы і развіцця адукацыі на Залесчыне
Дзяржаўная ўстанова адукацыі "Залеская дзіцячы сад-сярэдняя школа
Глыбоцкага раёна”
Залеская сярэдняя школа
адкрыта ў студзені 1974 года. Размешчана
ў вёсцы Залессе Глыбоцкага раёна, у маляўнічым азёрным кутку.
Багатая гістарычная і летапісная
спадчына вёскі Залессе і наваколля паспрыялі развіццю ў школе
краязнаўча-пошукавай дзейнасці, у выніку чаго на сённяшні дзень школа мае ў
сваіх сценах два музейныя пакоі, дзе
размясціліся экспазіцыйныя аддзелы:
· гісторыка-краязнаўчы
музей "Мінулае Залесчыны”,
·
этнаграфічны
музей Залескага краю,
·
музей
гісторыі Залескай школы і развіцця адукацыі на Залесчыне.
Рыгор Леанідавіч Шарыпкін - выпускнік Залескай сярэдняй школы
Глыбоцкага раёна 1984 года. Скончыў філалагічны факультэт Віцебскага
педагагічнага універсітэта.. З 2006 года працуе ў Залескай СШ. Усе гэтыя гады ўзначальвае школьны музей, які сам і
ствараў. У краязнаўстве - з 1994 года. Аўтар краязнаўча-даследчых кніг
«Гісторыя Залескага маёнтка" (2000 г.), «Гісторыя Залескага краю» (2002 г.), «Гісторыя Залескай
школы» (2007 г.).
Удзельнік археалагічных раскопак калоніі-поліса Ольвіі (Ленінградскі інстытут
археалогіі, 1988 г.),
гарадзішчаў ранняга жалезнага веку каля вёсак Запруддзе і Зубкі пад
кіраўніцтвам навуковага супрацоўніка Нацыянальнай акадэміі навук археолага А.М.
Мядзведзева. Аўтар больш за 50 краязнаўчых нарысаў ў раённых, абласных і
рэспубліканскіх газетах.
|